Personnalités

Aɛli Σemṛan

s yissem-is unṣib (Aεli Kulugli, s tefṛansist : Ali Koulougli), d acennay n tmurt n leqbayel, ilul-ed ass n 20 Mayu 1969, deg Igariden id yezgan di Mɛatqa (Tizi wezzu). Σemṛan yella d isem n yiwen si lejdud-is.

Tameddurt n Aɛli Σemṛan

Temẓi-s

Yebda yettarra lmendad-is ar uẓawan si temzi-s, asmi yella i sell i Ṛadyu ak d kra n tesfifin n kra icennayen yellan di teswaɛt nni, Aladṛa i sell i widen akken ḥaṛmen ur d sεeddayen ara tizlatin nsen deg-yimaṭṭafen n Ṛadyu n tmurt n Lzayer, amedya n Dda Sliman Σazem... d wiyaḍ nniḍen

D ameẓyan yettaεṛaḍ yetturar snitra, yessaweḍ ixedm-ed yiwet s tebelyunt n zzit, am akken xedmen ak icennayen iεeddan weqbel-is ; Yettaεṛaḍ, yeṭṭafaṛ, yal tizlitt umi slan imeẓẓudzen-is ; D acu kan netta yesɛa zhaṛ, imi yuf-ad snitra deg-wuxxam si temẓi-s, xas akken ttaqbuṛt maɛna ar ɣuṛes tesεa azal meqṛen ; Tella niqal n d ayla n gma-s armi yuɣal ikesbitt, netta.

Amecwaṛ-is n Lfen

Asmi yeffeɣ i tillumẓit, Aɛli yettwassen d win yettarun isefra ak ttezlatin, imi tizlatin ines timezwura i yura, Kra deg-sent cnantent kra icennayen yetwasenen, ger-asen Lani Rabaḥ.

Asmi yella di tesdawit, dinna Aɛli id yebda yettbin-id, imi yella yetturar snitra, ixeddem aẓawan, icennu i yiwet n tarbaɛt umezgun n tesdawit n Dda Lmulud at Mɛemmaṛ di Tiziwezzu, uwumi qaṛen ; Di tallit nni, yebda yetturar tizlatin n Yidir, Simon and Garfunkel, Moustaki, Cabrel, Inaṣliyen, Pink Floyd, Abṛanis, Cat Steγens,... S wakka Aεli ilemmed u yebda isurifen ines imezwura deg-wubrid n lfen.

Di 2001, yesekles tasfift-ines tamenzut, anda is yeqqaṛ : , s wakka, s tesfift-agi, Aɛli yekcem annar n cna.Ur iɛeṭṭel ara yebda timaɣṛiwin di tmurt n leqbayel, deg-waxxam n yedles Lmulud at Mɛemmaṛ, daɣen deg-wuxxam umezgun n Bgayet.

Arazen & Tifaskiwin

Aɛli daɣen yuka deg-waṭas n tfaskiwin, s kra n wanda id iɛedda s waraz, imi cna-ines s ṣṣut-is d uẓawan-ines yufraren-d.

Araz amenzu, yewwit-id di tafska taɣennawt n cna n teqbaylit, araz wis sin, yewwit-id di tafska uẓawan n Ṣumam.

Abrid n lɣaṛba

Deg-wuseggas n 2000, Aɛli yeǧǧ-a tamurt-is, yeǧǧ-a taddart-is, yunag ar tmurt n Fṛansa, anda yella yezdaɣ di Lpari, ula dinna, am da di tmurt iqeddec, ixeddem daɣen timaɣṛiwin. Aken assegas, ilemnd n tefsut tabarkant, Aɛli yecna di tzeqqa n Zinit (Zénith) di Lpari, s idis n ucennay ameqṛan Faṛḥat Imaziɣen Imula, Akli. D, d Gnawa Diffusion. Zdat n lɣaci id yusan, tizlitt-is yufrar-ed yarna taɛǧeb nezzah i lɣaci nni id yussan, yeslkelsitt yarratt di weqbel ad yessufeɣ tasfift-is, tinna yessufeɣ di 2005. Aεli yessewjed tasfift tamaynut id yefɣen deg-wuseggas n 2009, anda is yeqqaṛ : "Akka id amur".

Tisfifin n Aɛli Σemṛan

2001, Tasfift tamenzut anda is yeqqaṛ :

2005, Tasfift tis snat anda is yeqqaṛ :

2009, Tasfift tis tlata anda is yeqqaṛ :